50 гарсан ч яг л ид насандаа яваа мэт BMW-ийн шинэлэг бөгөөд үнэ цэнтэй спортлог дэд брэнд болох BMW M-ээс илүү автомашиныг хайх огт хэрэггүй.
Нийт 50 жилийн түүхэн хугацаанд BMW M нь сонгодог бэлгэ тэмдэг болсон олон домогт загварыг гаргасан билээ. Эдгээр нь BMW-ийн асар их борлуулалтын амжилтуудын нэг болж чадсан. BMW M3 CSL, BMW M Roadster болон бусад олон автомашинууд ч мөн адил энэ жагсаалтад багтах ёстой ч бүгдийг нь онцолж чадахгүй тул ердөө долоог нь та бүхэнд танилцуулж байна.
Тухайн үедээ л цаг үеэсээ түрүүлсэн, магадгүй одоо ч хэвээр байгаа BMW M загварууд нь шүтэн бишрэгчдэдээ зориулсан хамгийн шилдэг BMW байсаар ирсэн. Автомашины инженерчлэлийн энэхүү гайхалтай өөрчлөлтийг зөвхөн BMW M-ийн шүтэн бишрэгчид гэлтгүй бусад автомашин сонирхогчид тэр чигээрээ гайхширч байсан нь маргаангүй юм.
- BMW 3.0 CSL (E9) 1971 он.
Гайхалтай эхлэлийг тавилаа
Түүхэнд нэрээ үлдээхийн тулд өөрийн гэсэн дүр төрхтэй байх нь мэдээж. BMW M-ийн хувьд энэ нь 3.0 CSL байсан юм. 1973 онд Alpina-ийн тусламжтайгаар бүтээгдсэн BMW M-ийн анхны загварын эцсийн хувилбар нь дараах байдлаар бичигдсэн байна: 3.2 литрийн багтаамжтай, зургаан шугаман цилиндрт хуваарилагдсан, 206 морины хүчтэй. Ердөө 1270 кг жинтэй, энэ нь нэрэндээ бүрэн нийцэж байгаа нь гарцаагүй – CSL нь “Coupé Sport Leichtbau” (хөнгөн хийц) гэсэн үг юм. CSL-ийн уралдааны хувилбар нь асфальтан дээр 750 морины хүчин чадалтай. Дизайн нь гүйцэтгэлийн өгөгдөл шиг гайхалтай юм. Ялангуяа 1973 оны хувилбар нь ой санамжинд хадгалагдан үлджээ. Том далавч, спойлерууд нь аэродинамик багцын нэг хэсэг болж, удалгүй “Батмобил” хоч авсан. Гараар сонгогдсон 167 нэгж BMW M-ийн лангууг гаталж байна. Энэ нь биднийг эх сурвалж руугаа буцаан авчирдаг. Бүх агуу зүйлс багаас эхэлдэг.
2. BMW M1 (E26) 1978 он
Бэлгэ тэмдэг
Хүмүүс ховор, сонгодог автомашины тухай ярихдаа загвар дизайн, үүх түүхийг нь ихэвчлэн онцгойлдог. BMW M1ийн хувьд. Giorgio Giugiaro-ийн дизайныг амилуулсан нь цаг үеэсээ түрүүлсэн алхам болсон юм. Хөдөлгүүр нь хамгийн сүүлийн үеийн дөрвөн хавхлага, 3.5 литрийн багтаамжтай бөгөөд жолоодлого нь бүхэлдээ спортлог болсон байв. Анхнаас нь уралдааны замд зориулж бүтээсэн машин гэхээр бүгд л өндөр хүлээлттэй байх нь мэдээж хэрэг. Ердөө 1.14 метрийн өндөртэй BMW M1 нь Формула 1-ийг дэмжих хөтөлбөрийн хүрээнд зохиогдсон Прокарын цуврал уралдаанд зөвхөн BMW M1-үүд өрсөлдөж өөрийн нэрийг түүхнээ мөнхөлсөн юм. Алдартай зураач Энди Уорхол хүртэл энэхүү загвар дээр зураг зурж, урлагийн бүтээл ч болгосон байдаг. Гэхдээ сайн хүмүүс урт насалдаггүй гэдэг шиг 1978-1981 он хүртэл гуравхан жилд 450 орчим ширхэг үйлдвэрлэсний эцэст бүх зүйл дууссан ч түүхэнд нэрээ хамгийн тодоор үлдээж чадсан загвар билээ.
3. BMW M3 (E30) 1986 он
Цувралын ялагч
BMW сонирхогчдоос дуртай загварын чинь талаар ярилцъя гэж асуувал та “E30” гэж байнга сонсох болно. Харин ямар хувилбар вэ гэвэл “М3” гэж шууд хариулах болно. Тэр үеийн ямар ч машин “Жолооны баяр баясгалан” уриаг илүү сайн илэрхийлж чадахгүй. 1986 онд дунд оврын машинаас 195 морины хүчтэй байсан нь үнэхээр амжилт байлаа. Эхний M3-ийн спорт загвар, юуны түрүүнд томруулсан их бие нь уг цувралын өмнөх загваруудаас эрс ялгаатай байв. BMW M3-ийг уралдааны машин болгон ашиглахаас өмнө энгийн хэрэглээнд зориулагдсан байсан тул BMW M эхлээд 5000 ширхэг зарах ёстой байв. BMW M-д маш хурдан ийм амжилтанд хүрсэн нь бага зэрэг гайхширсан. Үйлчлүүлэгчидтэй хийсэн амжилт нь нэг зүйл байсан; Дэлхийн морин уралдааны замд гарсан амжилт нь огт өөр зүйл байсан. Гэвч хэдхэн жилийн дотор BMW 3 цувралын хамгийн спортлог нь аялан тоглолтын автомашины ертөнцөд түрүүлсэн бараг бүх тэмцээнд түрүүлсэн. Мөн энэ явцдаа уралдааны зам дээр домогт статустай болсон.
4. BMW M5 TOURING (E61) 2007 он
Сонгодог хослол
BMW Touring-д 10 цилиндртэй – энэхүү өвөрмөц загварыг тэмдэглэх нь зүйтэй. 2007 онд тансаг зэрэглэлийн хүчирхэг хөдөлгүүр хайж байгаа хэн бүхэн зөвхөн BMW M5 Touring-ээс үүнийг олох байх. V хэлбэрийн хөдөлгүүр нь уралдааны хөдөлгүүрийн адил эргэлдэж, хойд дугуй нь л гэхэд 507 морины хүчээр мааждаг. Энэ бол BMW-ийн үйлдвэрлэсэн цорын ганц арван цилиндртэй хөдөлгүүр бөгөөд BMW M-ийн хөдөлгүүрийн эрин үеийн оргил үеийг тодорхойлсон юм. Учир нь BMW M5-ын дараагийн үеийнхний аль нь ч өнөөдрийнх шиг турбо хөдөлгүүртэй байсангүй. BMW M5 Touring-ийн 1000 ширхэгийг л үйлдвэрлэсэн нь хүчирхэг моторны донтонгуудаас гадна ховорын бараа цуглуулагч нарыг жинхэнэ хуйлруулж чадсан.
5. BMW X6 M (E71) 2009 он
Анхдагч
Спорт машинтай жийпийг хослуулах нь тийм ч үр дүнтэй арга биш юм. Наад зах нь, BMW M X6 M-ийг танилцуулах хүртэл автомашины ертөнц ингэж бодож байсан юм. Үнэн хэрэгтээ 2009 оны BMW M-ийн инженерүүд цоо шинэ өндөр технологийн bi-turbo-г BMW-тэй хослуулж чадсан нь маш амжилттай байсан. X6 бол автомашины ертөнцийн цоо шинэ генийг нээсэн гэхэд хэлсдэхгүй. Уг загвар найман цилиндр нь 6 шатлалт спорт автомат хурдны хайрцагтай бөгөөд 555 морины хүчтэй бүх дугуйгаар хөтлөгчтэй байв.
6. BMW M2 CS (F87) 2019 он
Тултал нь
“Жолооны баяр баясгалан” гэсэн нэр томъёоны мөн чанарыг 2019 оны BMW M2 CS загвараас л мэдэрнэ. “Competition Sport” гэсэн үгийн товчлол болох CS нь бүх BMW 2 цувралаас хамгийн спортлог шинжийг агуулсан энэхүү загвар нь таныг жолооны диваажин руу хамгийн ойр аваачна гэдэгт итгэж байна. Учир нь энэ авсаархан спорт машин таныг яг л гэртээ байгаа мэт санагдуулна. Хүчирхэг хөдөлгүүр (bi-turbo шугаман зургаан цилиндр нь 450 морины хүчтэй), огцом эргэлтэд тохиромжтой явах эд анги, нүүрстөрөгчийн нийлэмжүүдийн ачаар багассан жин гээд BMW M2 CS-ийг жолоодоход жинхэнэ гайхамшгийг мэдрэх болно.
7. BMW I4 M50 (G26) 2021 он
Шинэ эрин үе
Электрон мотороор ажилладаг M Performance тэмдэгтэй анхны BMW машин худалдаанд гарснаасаа хойш ердөө нэг жилийн дотор BMW M-ийн алдрын танхимд нэрээ бичүүлсэн гээд бодоод үз дээ? Гайхалтай биш гэж үү?. BMW i4 M50 нь 795 Нм эргүүлэх хүч, 400 кВт (544 морины хүчтэй) хурдатгал, спорт жолоодлого, спорт тоормостой гэх мэт онцлог чанарууд нь BMW i4 M50-г шаталтат хөдөлгүүртэй өрсөлдөхүйц “BMW M” гэр бүлийн бүрэн эрхт гишүүн гэдгийг баталж байна.
Эх сурвалж: https://www.bmw.com/en/magazine/performance/7-bmw-m-milestones.html