BMW радиатор грилл нь тухайн автомашины урд нүүрний хэсгийг сүр бараатай, гоёмсог харагдуулдаг үзэмжит хэсгүүдийн хамгийн гол цөм нь юм.

X хэлбэртэй, өвөрмөц дизайн бүхий BMW лазер их гэрэл нь холын тусгал дээр тохируулсан үед энгийн их гэрлүүдтэй харьцуулахад 2 дахин хол буюу 600м хүртэл тусах чадвартай. Харанхуйд үзэгдэх орчин сайжрах нь аюулгүй байдлыг улам илүү нэмэгдүүлдэг. Цэнхэр өнгийн X тэмдэглэгээ болон “BMW Laser” гэх бичиглэл нь автомашины технологийн стандартыг тодотгож өгнө.

Урд дугуйны криланы ардаас арын хэсэг хүртэл үргэлжлэн байрласан хоккейн цохиур хэлбэртэй агаар нэвтрүүлэгч нь автомашины үзэмжийг улам бүр тодотгож өгөх нэгэн чимэглэл юм.

Хойд гэрлүүдийг холбосон хром чимэглэл нь автомашины спортлог бөгөөд ихэмсэг характерыг онцолж өгсөн. Тансаг ангиллын BMW 7 Сери загварт байдгийн адилаар энэхүү хром зураас нь их биеийн гадна өнгийг ялгаруулж харуулах онцлогтой бөгөөд автомашины булчинлаг харагдацтай хажуугийн хэсгүүдийг арын хэсэгтэй холбож өгөх үндсэн зохилдлогоог бүрдүүлж өгдөг.

M спорт яндангийн систем нь жолоодлогыг SPORT болон SPORT+ горимруу шилжүүлсэн үед хөдөлгүүрийг илүү хүчтэй дугаралттай болгох бөгөөд энгийн буюу тухтай жолоодлогын горимын үед илүү нам дугаралтыг гаргах болно.

Угталтын хивсэн гэрэл функц нь автомашины хаалгануудын доор гоёлын гэрэл тусгадаг бөгөөд автомашиндаа суух үед угтаж авах дулаан уур амьсгалыг бүрдүүлдэг. Үүний ачаар гадаа харанхуй үед автомашинаасаа буух нь илүү аюулгүй бөгөөд тухтай байдлыг үүсгэх юм.

Гар хийцийн энэхүү болор гоёлууд нь таныг интерьер хэсгийг харах болон хүрэх мэдрэмжинд илүү их дурлуулах гоёлын элементүүд юм. Арааны рычаг, хөгжмийн дугаралтын удирдлага, iDrive-н удирдлага болон хөдөлгүүр асааж унтраах товчлуур нь болороор хийгдсэн.

Sky Lounge гэрэлтүүлэгтэй панорама шилэн дээвэр нь харанхуй үед 15,000 гэрлийн элементүүдийн тусламжтайгаар гайхалтай уур амьсгал, мэдрэмжийг төрүүлэхийн зэрэгцээ өдрийн цагт байгалийн гэрлийг их хэмжээгээр нэвтрүүлснээр салоны доторх зайг улам цэлгэр уужим санагдуулах болно. Уг гэрлүүд нь салоны зурвасан гэрлийн хамт 6 өөр төрлийн өнгөнөөс сонгох боломжийг бүрдүүлнэ.

Салоны зурвасан гэрэл нь хүнийг амраах, тухтай сэтгэгдэл төрүүлэх уур амьсгалыг төрүүлдэг. Тод бүдгийг нь тааруулах боломжтой 6 төрлийн өнгө нь нэмэлтээр 4 өөр тусгалын сонголттой. Угталтын хивсэн гэрэл нь автомашинаас буух болон суух үед хаалганы доод хэсгийг гэрэлтүүлж өгдөг.

Harman Kardon дугаралтын систем нь 464 ваттын хүчин чадал бүхий 16 чанга яригчтай бөгөөд салон дотор гайхалтай дугаралтыг мэдрүүлэх болно.

Арын зорчигчдод зориулсан энтертайнмент функц нь өндөр нягтаршил бүхий 10.2” хэмжээтэй, хуруу мэдрэх өнгөт дэлгэцүүдээс бүрдэх бөгөөд өнцгийг нь дээш доош тохируулах боломжтойгоос гадна Blu-Ray диск унших боломжтой. Үүн дээр нэмээд USB оролт болон холболттой.

BMW X7 автомашины xOffroad package тоноглол нь асфалтан дээр болон бартаат замын аль ч үед аялгүй бөгөөд хурдан зорчих боломжийг олгодог. 4 төрлийн бартаат замын горим нь бүх дугуйг хөтлөх xDrive системийн хамтаар элс, хад асга, хайрга болон цастай замд тухайн замын нөхцөл байдалд уялдуулж илүү сайн барьцалдуулдаг.

Үйлдвэрээс стандартаар тоноглогддог 2 тэнхлэгийн ухаалаг хийн амортизатор нь тухтай бөгөөд аюулгүй жолоодлогын өндөр гүйцэтгэлтэйн дээр автомашинд буух, суух болон юм ачихад илүү хялбар болгодог. Энэхүү хийн амортизатор нь ачааллаас үл хамаарч автомашиныг нэгэн хэмийн өндөрт барьдаг. Мөн өндөр намыг удирдаж тохируулах боломжтой байдаг.

Ухаалаг интеграл жолоодлого нь урд дугуйны эргэлтийн өнцгөөс хамаарч арын дугуйнууд жолоодлогод оролцох функц юм. Бага хурдтай явах үед руль дарахад арын дугуй нь урд дугуйн эсрэг чигт эргэснээр маневр сайжирж илүү богино зайд эргэлт хийдэг. Харин 60км/ц-аас дээш хурдлах үед арын дугуйнууд нь урд дугуйнуудтай нэг чигт эргэж жолоодлыг илүү тогтвортой бөгөөд тухтай байлгадаг.

BMW Live Cockpit Professional нь өндөр нягтаршилтай, хуруу мэдрэх 12.3 инчийн үндсэн дэлгэц болон 12.3 инчийн хэмжээтэй бүрэн дижитал хянах самбарын 2 дэлгэцээс бүрддэг.

BMW зайнаас удирдах функцын тусламжтайгаар зарим нэгэн үйлдэлийг агаар дээр гарын хөдөлгөөнөөр удирдах боломжтой юм. Гараа хажуу тийш гүйлгэх болон заах үйлдэл хийснээр ирж буй дуудлагыг авах болон таслах боломжтой бол долоовор хуруугаар тойрог хөдөлгөөн хийснээр хөгжмийн чанга сулыг тааруулна.

Энэхүү систем нь зогсоолд байрлуулах болон маневр хийх гүйцэтгэлийг илүү хялбарчилж өгдөг. Энэ системд дээрээс харах, эргэн тойрныг 3D-ээр харах зэрэг гадна орчны хяналтыг өгөхөөс гадна шугман чиглүүлэгч бүхий зогсоолд байрлуулахад туслах систем болон ухрахын туслах систем багтана.